Eftirtaldir skólastjórnendur og áheyrnarfulltrúar sátu fundinn undir liðum 1-4: Sigrún B. Benediktsdóttir, Sigurgeir Guðmundsson, Sigurjón Bjarnason, Auður Erla Logadóttir, Bæring Jón B. Guðmundsson, Birta Huld Halldórsdóttir, Halldóra Guðlaug Helgadóttir, Guðbjörg Ísleifsdóttir, Rósa Hlín Óskarsdóttir, Sóley Ösp Karlsdóttir og Glódís Guðmundsdóttir. Þá sat fundinn Klara Viðarsdóttir undir lið 5-7. Þá sátu fundinn Valtýr Valtýsson og Ágúst Sigurðsson sveitarstjórar.
1.Mannauðsmál skólanna
1610046
Í upphafi skólaárs skulu skólastjórar gera fræðslunefnd grein fyrir stöðunni í starfsmannamálum hvað varðar starfsþróun/endurmenntun og leggja fram áætlun fyrir yfirstandandi skólaár.
Skólastjórar grunn- og leikskóla fóru yfir mannauðsmálin, kynntu fjölda kennara og nemenda og greindu frá stöðunni hvað varðar starfsþróun og endurmenntun. Skólastjórarnir lögðu fram gögn um þessi mál sem fylgja með fundargerðinni.
2.Aðstaða og búnaður skólanna
1610047
Árlega meti skólastjórar þörf fyrir endurnýjun kennslutækja, þörf fyrir annan búnað og húsnæði í samræmi við þróun nemendafjölda og kennsluhátta og upplýsi fræðslunefnd um stöðu mála.
Skólastjórar fóru yfir atriði sem lúta að búnaði og aðstöðu skólanna og þeir hafa lagt fram í tengslum við gerð fjárhagsáætlunar næsta árs hjá Odda bs.
3.Ytra mat Grunnskóla Odda bs 2017
1701015
Eftirfylgni við umbótaáætlun.
Skólastjórar grunnskólanna kynntu hvernig gengið hefur að fylgja eftir tillögum og ábendingum úr ytra mati.
4.Skólaakstur á aksturssvæði Odda bs
1709030
Endurskoðun á reglum um skólaakstur.
Farið var yfirir gildandi reglur um skólaakstur. Reglurnar voru ræddar en ekki komu fram neinar ákveðnar tillögur um breytingar. Ákveðið að uppfæra reglurnar og leggja þær fyrir næsta fund stjórnar.
5.Rekstraryfirlit Odda bs 25092018
1809023
Rekstur byggðasamlagsins janúar-ágúst 2018 og viðauki 1 við rekstraráætlun ársins.
Farið var yfir rekstur Odda bs janúar-ágúst. Þá var lögð fram tillaga að viðauka 1 við fjárhagsáætlun Odda bs 2018. Með viðaukanum er gert ráð fyrir breytingu á fjárhagsáætlun Odda bs. til hækkunar að fjárhæð kr. 8.780.000. Þar af hækka tekjur um 2,92 millj., laun hækka um 10,6 millj., annar rekstrarkostnaður lækkar um 3,4 milljónir, innri leiga hækkar um 1,0 milljón og vaxtagjöld hækka um 3,5 milljónir og er það vegna uppgjörs við lífeyrissjóðinn Brú.
Samþykkt samhljóða.
Samþykkt samhljóða.
6.Rekstraráætlun 2019 - Oddi bs
1808018
Undirbúningur fjárhagsáætlunar, forsendur og skipulag - fundað með skólastjórum.
Farið yfir gjaldskrá Odda bs og gengið út frá því að gjaldskrá breytist í takt við verðlagsbreytingar. Tillaga verði lögð fram á næsta fundi. Áætlað er að funda með skólastjórnendum um fjárhagsáætlun næsta árs þann 16. október nk f.h.
7.Umsókn um námsstyrk til náms í leikskólafræðum.
1609035
Umsóknir liggja fyrir um námsstyrki til náms í leikskólakennarafræðum sbr. reglur Odda bs.
Fyrir fundinum lágu 3 umsóknir um námsstyrki. Umsóknirnar eru allar í samræmi við reglur Odda bs. og voru samþykktar samhljóða.
Fundargerð yfirlesin og samþykkt.
Fundi slitið - kl. 18:45.