Oddi bs

KV fór yfir og kynnti rekstraryfirlit fyrir janúar-febrúar 2020. Farið var yfir útfærslu á innheimtu leikskólagjalda í ljósi mikilla forfalla leikskólabarna vegna COVID19. Tillaga um að einungis verði innheimt fyrir þá daga sem þjónusta hefur verið veitt í samræmi við mætingaskrá sem leikskólastjórar halda. Samþykkt samhljóða.

Lagður fram og kynntur Ársreikningur 2019 fyrir byggðasamlagið Odda bs. Ársreikningurinn var samþykktur samhljóða.

ÁS fór yfir stöðu mála í skólum Odda bs en skólastarf hefur verið mjög skert síðustu vikuna. Þrátt fyrir mjög erfiðar aðstæður þá hefur skólastarfið engu að síður gengið ótrúlega vel. Stjórn Odda bs vill nota tækifærið og lýsa yfir mikill ánægju með störf skólastjórnenda og starfsmanna sem hafa staðið sig frábærlega við þröngar aðstæður. Þá hefur samstarf við foreldra verið einstaklega gott og það ber að þakka.

Samkomulagið staðfest samhljóða.

Undir þessum lið komu til fundar Sigurjón Bjarnason skólastjóri Laugalandsskóla, Kristín Sigfúsdóttir skólastjóri og Kristinn Ingi Guðnason aðstoðarskólastjóri Grunnskólans á Hellu. Þau fóru yfir stöðu mála varðandi kennslu í upplýsingatækni og forritun við skólana. Fram kom að skólarnir eru að vinna með þessi mál nú þegar og hafa í undirbúningi að bæta verulega í hvað þessi mál varðar. Þá kom fram að skólarnir eru með í undirbúningi þétt samstarf um þessi mál og mögulega samnýtingu starfsmanna. Tillaga er um að óska eftir því að skólarnir geri sameiginlega þarfagreiningu varðandi vinnu og búnað sem leggja mætti fyrir vorfund Odda bs. Þannig gæfist tími til að undirbúa málið fyrir næstu fjárhagsáætlun Odda bs og þá samhliða væri hægt að taka formlega ákvörðun um að forritun verði hluti af skólastefnunni og í ríkari mæli hluti af námsskrám skólanna.

Samþykkt samhljóða.

Fært í trúnaðarmálabók.