Oddi bs

Klara Viðarsdóttir, fjármálastjóri kynnti yfirlit fyrir jan.-sept. 2022. Reksturinn er í ágætu samræmi við áætlun með viðaukum.

Lögð fram og rædd tillaga að gjaldskrá fyrir Odda bs fyrir árið 2023. Gjaldskráin gerir ráð fyrir að fæðisgjöld hækki um 9,33% m.v. vísitölu neysluverðs til verðtryggingar í nóvember (2021-2022), dagvistargjöld í leikskóla hækki um 8,4% m.v. blandaða vísitölu launa og neysluverðs og gjöld fyrir skóladagheimili hækki um 8,56% m.v. blandaða vísitölu launa og neysluverðs. Einnig er gert ráð fyrir að samræma afsláttarreglur skóladagheimilis afsláttarreglum leikskólanna. Gjaldskráin tekur gildi 1. janúar 2023.

Gjaldskráin samþykkt samhljóða.

Lögð er fram og rædd tillaga að rekstraráætlun 2023 fyrir Odda bs. Stjórnin hefur átt þrjá vinnufundi, þar af tvo með öllum skólastjórum byggðasamlagsins, og farið yfir þeirra áherslur
Gert er ráð fyrir að heildarkostnaður sveitarfélaganna vegna Odda bs verði kr. 1.312.984.000 sem skiptist þannig að hlutur Rangárþings ytra verður kr. 1.131.829.000 og hlutur Ásahrepps kr. 181.155.000. Áætlunin miðar við fjölda grunn- og leikskólabarna þann 1. október 2022 sem er 230 grunnskólabörn og leikskólabörn sem telja 164,3 barngildi. Tillaga er um að samþykkja fjárhagsáætlun 2023 fyrir Odda bs.

Samþykkt samhljóða.

Lagt fram erindi frá skólastjórum grunnskólans á Hellu og Laugalandi um stöðu náms- og starfsráðgjafa þar sem óskað er eftir því að ráðinn verði náms- og starfsráðgjafi í fullt starf.

Stjórn Odda bs. leggur til að ráðinn verði náms- og starfsráðgjafi í allt að 60% stöðu og jafnframt verði skoðað hvort áhugi sé fyrir samstarfi við Rangárþing Eysta um náms- og starfsráðgafa í fullu starfi.

Samþykkt samhljóða.

Lagt er fram erindi frá leikskólastjórum Odda bs. þar sem lagt er til að þeir foreldrar sem taka leyfi fyrir börnin sín milli jóla og nýárs fái leikkskólagjöld niðurfelld þá daga, þ.e. 27.- 30. desember 2022. Með því væri verið að hvetja til samveru fjölskyldunnar og styðja við fjölskylduvæna stefnu sveitarfélaganna auk þess sem þarna myndi skapast tækifæri fyrir starfsmenn til að nýta áunnið orlof.

Stjórn Odda bs. leggur til að tillagan verði samþykkt og leikskólastjórum falið að kynna ákvörðunina fyrir foreldrum og starfsfólki sem fyrst.

Samþykkt samhljóða.

Fært í trúnaðarmálabók.

Fært í trúnaðarmálabók.

Fært í trúnaðarmálabók.

Lögð eru fram drög að þarfagreiningum frá leik- og grunnskólanum á Laugalandi þar sem skólastjórnendur sjá fyrir sér þróun skólana og nýtingu húsnæðisins á Laugalandi.

Stjórn Odda bs. telur að nauðsynlegt sé að gera sér betur grein fyrir heildarsýn á framtíðarnýtingu á húsnæðinu á Laugalandi undir skólana og aðra starfssemi sem þar fer fram. Stjórn beinir því til Húsakynna bs. að fram fari greining á möguleikum á bættri nýtingu húsnæðisins á Laugalandi og að í fjárhagsáætlun Húsakynna bs. 2023 verði gert ráð fyrir fjármagni í vinnu við þarfagreiningu.

Samþykkt samhljóða.

Til kynningar.

Til kynningar.