Oddi bs

Lagður fram og kynntur Ársreikningur 2022 fyrir byggðasamlagið Odda bs.

Rekstrartekjur byggðasamlagsins námu 1.305,4 millj. kr. á árinu 2022 og hækkuðu um 132,3 millj. kr. milli ára eða um 11,3%. Námu laun byggðasamlagsins 733,2 millj. kr. (2021; 654,1 millj. kr.), og launatengd gjöld námu 174,8 millj. kr. (2021; 154,5 millj. kr.)
Rekstrarkostnaði byggðarsamlagsins er skipt milli aðildarsveitarfélaganna miðað við nemendafjölda. Auk þess greiða sveitarfélögin fæðisgjöld í mötuneyti fyrir grunnskólabörn.

Ársreikningurinn var samþykktur samhljóða og undirritaður.

Klara Viðarsdóttir fjármálastjóri fór yfir rekstur byggðasamlagsins janúar-febrúar 2022.

Á fundinn mæta Kristín Sigfúsdóttir skólastjóri grunnskólans á Hellu og Yngvi Karl Jónsson skólastjóri grunnskólans á Laugalandi og gera grein fyrir rekstri ársins 2022 og horfur á árinu 2023.

Stjórn þakkar skólastjórunum fyrir upplýsingarnar.

Lögð fram tillaga um að haldinn verði sameiginlegur fræðsludagur fyrir starfsfólk Odda bs og annað starfsfólk sveitarfélaganna þann 18 ágúst. Lagt til að gera ráð fyrir hálfum starfsdegi í þetta verkefni.

Stjórn samþykkir tillöguna samhljóða.

Farið var yfir skólastefnu Odda bs. 2021-2023 og rætt um hvort skólastefnan þarfnist endurskoðunar.

Stjórn óskar eftir álti skólastjórnenda, foreldrasamfélagsins og nemenda hvort ástæða sé til að fara í endurskoðun á skólastefnunni og niðurstaðan sé klár fyrir vorfund Odda sem áætlaður er í lok maí.

Mennta- og barnamálaráðherra hefur ákveðið í samstarfi við Samband íslenskra sveitarfélaga, Skólastjórafélag Íslands og Grunn, félag stjórnenda á skólaskrifstofum að efna til fundarraðar í mars til maí 2023 um áframhaldandi vinnu um úthlutun og ráðstöfun fjármuna til grunnskóla. Tilgangur fundanna er að styðja betur við stefnumótun og starfshætti sem stuðla að menntun fyrir alla.