Formaður setti fund og lagði til dagskrárbreytingu þannig að fyrst var tekinn fyrir liður 3. Það var samþykkt. Guðmundur Daníelsson verkefnisstjóri hjá Rangárljósi sat fundinn undir þeim lið.
1.Styrkvegir 2016
1603044
Ráðstöfun styrkvegafjár ársins.
BJM fór yfir framkvæmdir við styrkvegi og sýndi myndir frá vettvangi m.a. frá vel heppnaðri lagfæringu frá Skjólkvíum, upp Trölla á s.k. Hekluvegi eystri. Tillaga var lögð fram um að ráðstafa afgangi ef styrkvegafé í veg við Merkihvol og heflun á Styttingi. Samþykkt samhljóða. Í ljósi umræðna á fundinum var ákveðið að taka saman yfirlit um alla vegi innan sveitarfélagsins sem ekki eru í umsjá vegagerðarinnar og skilgreina þá í flokka gagnvart því hvort þeir séu styrkvegir eða annað. Einnig var rætt um verkefni næsta árs.
2.Snjómokstur
1611023
Fyrirkomulag snjómoksturs ofl.
BJM fór yfir reglur varðandi snjómokstur sem vinna þarf betur í. Málinu frestað til næsta fundar sem haldinn verður fljótlega.
3.Fjarskiptamál í Rangárþingi ytra
1501007
Staða mála hjá Rangárljós
GD sagði frá gangi mála hjá Rangárljósi við lagningu ljósleiðara um sveitarfélagið. Góður gangur er í verkefninu og er það heldur á undan áætlun en jarðvinnu er nær lokið við áfanga 4 og 5. Byrjað verður að blása ljósleiðara í áfanga 1 í næstu viku og þá verða tvö jarðvinnugengi að störfum. Tillaga kom fram um að vera með opið hús á Laugalandi 26. nóvember frá 10-12 með netþjónustuaðilum. Það var samþykkt. ÁS og GD munu undirbúa það og auglýsa.
Fundi slitið - kl. 19:45.