Gestir fundarins voru Hrafnhildur Loftsdóttir, Ólafur Kr. Guðmundsson og Guðmundur Daníelsson.
1.Utanvegaakstur á hálendi Íslands
1704014
Mat og greining loftmynda frá Friðlandi að Fjallabaki. Hrafnhildur Loftsdóttir MSc ritgerð.
Hrafnhildur Loftsdóttir landfræðingur kynnti MSc ritgerð sína sem fjallar um utanvegaakstur á hálendinu með áherslu á Friðland að fjallabaki. Umræður spunnust um verkefnið og mögulega hagnýtingu niðurstaðna þess gagnvart samgöngumálum hjá sveitarfélaginu. Lagt fram til kynningar.
2.Vegir í Rangárþingi
1704013
Kynning á vegaverkefni í Árnessýslu. Ólafur Kr. Guðmundsson verkefnisstjóri.
Ólafur Kr. Guðmundsson verkefnisstjóri hjá EuroRAP á Íslandi kynnti verklag við kortlagningu vegakerfis ákveðinna svæða á Íslandi. Meðal annars kynnti hann vinnu sína fyrir sveitarfélög í Árnessýslu og Ásahreppi. Samgöngu- og fjarskiptanefnd leggur til við sveitarstjórn að láta gera svipaða úttekt fyrir vegi í Rangárþingi og leita samstarfs við Rangárþing eystra um þátttöku í slíku.
3.Fjarskiptamál í Rangárþingi ytra
1501007
Guðmundur Daníelsson verkefnisstjóri hjá Rangárljósi fer yfir stöðu mála.
Guðmundur Daníelsson kynnti stöðu mála í ljósleiðaraverkefninu. Verkefnið er á áætlun og þátttaka góð. Fyrirhugað er að halda opinn fund með þjónustuveitum í Menningarheimilinu á Hellu þann 29. apríl n.k. kl. 10-12.
4.Styrkvegir 2017
1704015
Umsókn um styrkvegafé.
Farið yfir lista um þá styrkvegi sem hafa verið lagfærðir frá árinu 2010 en stærsti hluti af styrkvegafé hefur á þessu tímabili farið í heflun en upphæð styrkvegafjár hefur verið á bilinu 2-3 m árlega. Samþykkt tillaga um að formaður og sveitarstjóri gangi frá umsókn á svipuðum nótum og undanfarin ár og sendi inn fyrir tilskilinn tímafrest.
5.Snjómokstur
1611023
Fyrirkomulag snjómoksturs
Lagt fram til kynningar. Unnið verði áfram að sérstökum reglum varðandi snjómokstur og mikilvægt er að hafa samráð við Áshreppinga í málinu.
Næsti fundur áætlaður 18. maí kl. 16:30. Fundargerðin yfirlesin og samþykkt.
Fundi slitið - kl. 19:40.