Samgöngu- og fjarskiptanefnd

Engilbert Olgeirsson formaður bauð fulltrúa nýrrar nefndar velkomna til fundar og vettvangsferðar. Farið var yfir erindisbréf nefndarinnar en skv. því ber að skipa varaformann á fyrsta fundi. EO lagði til að Helga Fjóla Guðnadóttir yrði kosinn varaformaður og var það samþykkt samhljóða. Rætt var um heppilegan fundartíma fyrir nefndina og var niðurstaðan sú að miða við að fundartími verði að jafnaði kl 16:00 á virkum dögum.

Fyrir liggur svar vegagerðarinnar við umsókn sveitarfélagsins um styrkvegafé. Úthlutuð upphæð er 1.900.000. Sveitarstjóra falið að ganga frá formlegum samningi við vegagerðina um þessa upphæð. Nefndin harmar að styrkvegafé lækki ár frá ári því sagan sýnir að þessir fjármunir hafa nýst afar vel og með hagkvæmum hætti. EO lagði fram yfirlit um styrkvegi og framkvæmdir árin 2010-2017. Ákveðið að fara betur yfir áherslur og úthlutanir ársins í vettvangsferðinni og leggja fram tillögur á næsta fundi.

Nefndarmenn lögðu af stað í vettvangsferð um kl 13:40. Niðurstaða þeirrar ferðar um áherslur varðandi verkefni verða rædd á næsta fundi nefndarinnar sem áætlaður er fljótlega.