Samgöngu- og fjarskiptanefnd

Nefndin vann með niðurstöður úr vegaúttekt Ólafs Kr. Guðmundssonar og ábendingar sem þar koma fram. Það liggur fyrir að sérkenni á vegakerfi í Rangárþingi ytra er hlutfallslega mjög mikið af malarvegum en alls þarf að klæða um 80 km. Það er tillaga nefndarinnar að Landvegurinn verði skilgreindur sem stofnvegur og malbikun þeirra 13.5 km sem þar eru eftir, fylgi fjárhagsramma stofnvega. Þá er það tillaga nefndarinnar að lagt verði upp með að skipta klæðningu þeirra tengivega sem eftir eru upp í fjóra áfanga til næstu fjögurra ára. Um er að ræða Hagabraut(19,52 km), Rangárvallaveg (11,45 km), Þingskálveg (19,1 km) og síðan aðra styttri vegi þ.e. Árbæjarveg, Bjallaveg, Sumarliðabæjarveg og Bakkabæjaveg. Ekki er tekin afstaða til innbyrðis forgangsröðunar þessara fjögurra áfanga. Lagt er til að verkefnið verði lagt upp með þessum hætti við yfirvöld vegamála.

Samþykkt samhljóða.

Mikilvægt er að upplýsa íbúa vel um þær viðmiðunarreglur sem í gildi eru varðandi snjómokstur í sveitarfélaginu. Lögð var fram tillaga að slíkum viðmiðunarreglum út frá þeim samningi sem í gildi er við Vegagerðina og var ritara falið að ganga frá textanum í samræmi við umræður á fundinum.

Samþykkt samhljóða.

Lagt fram til kynningar.

Tillaga um að fela sveitarstjóra að senda inn umsókn um styrkvegafé með svipuðum hætti og undanfarin ár um leið og auglýst verður á vef Vegagerðarinnar.

Samþykkt samhljóða.