4. fundur 12. mars 2019 kl. 16:00 - 18:15 að Suðurlandsvegi 1-3
Nefndarmenn
  • Engilbert Olgeirsson formaður
  • Sævar Jónsson aðalmaður
  • Helga Fjóla Guðnadóttir aðalmaður
  • Borghildur Kristinsdóttir aðalmaður
  • Viðar Steinarsson aðalmaður
Starfsmenn
  • Ágúst Sigurðsson sveitarstjóri
  • Guðni Kristinsson embættismaður
Fundargerð ritaði: Ágúst Sigurðsson sveitarstjóri

1.Fyrirspurn frá SASS um samgöngumál

1903014

Bréf frá Samgöngunefnd SASS þar sem óskað er eftir svörum við 6 spurningum um hvað sveitarfélagið telur vera helstu forgangsverkefni í samgöngumálum 2019 -2028.
Samtök Sunnlenskra Sveitarfélaga hafa sent aðildarsveitarfélögum sínum bréf með spurningum varðandi forgagnsverkefni í samgöngumálum 2019-2028. Skammur tími er gefinn til að svara og Samgöngu- og fjarskiptanefnd hefur fengið spurningarnar til umfjöllunar til að undirbyggja svör sveitarstjórnar. Tillögur Samgöngu- og fjarskiptanefndar að svörum eru eftirfarandi:

1. Hver eru þrjú helstu forgangsverkefni í nýframkvæmdum er varða samgöngur í sveitarfélaginu ykkar?
Tillaga að svari: Fyrsta forgangsverkefni er að klæða 80 km af malartengivegum með bundnu slitlagi innan sveitarfélagsins. Í öðru lagi er mikilvæg hringtenging í gegnum Þykkvabæ um Sandhólaferjuveg. Í þriðja lagi er heilsársferðamannavegur að Skjólkvíum við Heklu af Landvegi.

2. Hver eru þrjú helstu forgangsverkefni í rekstri og viðhaldi samgöngumannvirkja í sveitarfélaginu ykkar?
Tillaga að svari: Í fyrsta lagi er aukið viðhald á heimreiðum innan sveitarfélagsins. Í öðru lagi er viðhald hinna gríðarlega fjölförnu Fjallabaksleiða syðri og nyrðri. Í þriðja lagi er lögð áhersla á viðhald og umferðaröryggi á Þjóðvegi 1 s.s. að- og fráreinar við fjölfarna tengivegi og hringtorg við Hellu.

3. Ef horft er á Suðurland sem heild, hvaða þrjár samgönguframkvæmdir myndi sveitarsjórn ykkar setja fremst á blað, aðrar en í ykkar sveitarfélagi?
Tillaga að svari: Miðað við núverandi leið um Suðurland þá eru mikilvægast að fá nýja brú yfir Ölfusá og að lágmarki 2 plús 1 veg úr Reykjavík og austur. Sú samgönguframkvæmd sem myndi hins vegar bylta samgöngum um Suðurland til langrar framtíðar væri að halda áfram með Suðurstrandarveg.

4. Hver er afstaða sveitarstjórnar er varða áætlanir ríkisstjórnar um veggjöld?
Tillaga að svari: Áður en tekin er afstaða til málsins þyrftu forsendur að liggja skýrar fyrir.

5. Hvaða sýn hefur sveitarstjórn á fyrirkomulag almenningssamgangna á Suðurlandi?
Tillaga að svari: Mikilvægt að boðið sé upp á tryggar og öruggar almenningssamgöngur um Suðurland.

6. Annað sem sveitarstjórn vill koma á framfæri við samgöngunefnd SASS?
Tillaga að svari: Að stofnvegakerfið verði tekið til endurskoðunar og að Landvegur og Þykkvabæjarvegur verði gerðir að stofnvegum. Einnig leggur nefndin til að yfirvöld skoði hvort nýta megi svipaða aðferðafræði og gert var í "Ísland ljóstengt" verkefninu og reyndist vel til að flýta framkvæmdum og gera þær hagkvæmari.

2.Fjarskiptamál í Rangárþingi ytra

1501007

Staða mála varðandi Rangárljós, vinnulag og verðskrá þjónustu.
Lögð var fram til kynningar verklokaskýrsla ljósleiðaraverkefnis sveitarfélagsins. Einnig var lögð fram til kynningar og umræðu endurskoðuð gjaldskrá Rangárljóss. Samgöngu- og fjarskiptanefnd leggur til við sveitarstjórn að gjaldskráin verði samþykkt.

3.Oddabrú yfir Þverá

1501024

Kynning á stöðu vega- og brúargerðar hjá Odda yfir Þverá.
ÁS fór yfir stöðu mála varðandi Oddabrú og veglagningu að Odda.
Fundargerð yfirlesin og samþykkt.

Fundi slitið - kl. 18:15.

Fannst þér efnið á síðunni hjálplegt?