Yngvi Harðarson sveitarstjórnarmaður var leiðsögumaður í ferðinni og tók þátt í fundi nefndarinnar. Helga Fjóla Guðnadóttir boðaði forföll og ekki náðist að boða varamann.
1.Vettvangsferð Samgöngu- og fjarskiptanefndar júlí 2020
2007012
Vettvangsferð nefndarinnar í Þykkvabæ
Lagt var af stað frá Miðjunni á Hellu kl. 13:00, ekið í Þykkvabæ og ekinn m.a vegslóði meðfram ánni og niður hjá Borg. Þá var ekið á Þykkvabæjarfjöru niður hjá Suður-Nýjabæ og skoðaðar aðstæður. Áning var í Oddsparti og Hlöðueldhúsið skoðað hjá Þórólfi og Hrönn. Þar var einnig fundað stuttlega. Áfram var ekið upp hjá Sandhólaferju og komið aftur að Hellu kl. 17:45.
2.Styrkvegir 2020
2006008
Framkvæmdir ársins við styrkvegi.
Formaður kynnti að styrkur hefði fengist að fjárhæð 5. mkr til framkvæmda á styrkvegum í sveitarfélaginu á þessu ári. Tillaga er um að meginhluta styrks ársins verði m.a. ráðstafað til vegabóta eftir bakka Djúpár/Hólsár frá Djúpósi að Fjarkastokki og frá afleggjara að Fjarkastokki að Hólsbakka. Óskað eftir því að sveitarstjóri og forstöðumaður þjónustumiðstöðvar vinni að framgangi þessa máls og leiti samsráðs við veiðifélag árinnar, sumarbústaðaeigendur og aðra sem nýta þessa leið í atvinnuskyni. Jafnframt verði styrkvegafé ársin nýtt til að undirbúa veg á Þykkvabæjarfjöru ef áhugi er fyrir hjá landeigendum. Er óskað eftir því að sveitarstjóri og forstöðumaður þjónustumiðstöðvar eigi fund með landeigendum við fyrsta tækifæri til að fara yfir þessar hugmyndir og eftir atvikum vinni málið áfram. Ef styrkvegafé ársins nýtist ekki að fullu í ofangreind verkefni þá verði hugað að vegtengingu milli Heklubrautar/Kotvegar og Þingskálavegar 268 um Bolholtsskóg.
Samþykkt samhljóða.
Samþykkt samhljóða.
3.Vegaframkvæmdir Rangárþingi ytra 2020-2021
2006007
Upplýsingar frá fundi með svæðisstjóra.
Lagt fram til kynningar.
Fundargerðin var send nefndarfólki strax að vettvangsferð lokinni og staðfest með tölvupósti.
Fundi slitið - kl. 17:45.