Samgöngu- og fjarskiptanefnd

THT fór yfir verkefni síðasta árs. Megnið af styrkvegafé fór í lagfæringar á Hólsábakkavegi frá Fjarkastokk og áleiðis niður að Borg. Eftir er að keyra í ca 400m kafla ofan við Borg.

Farið var yfir helstu verkefni sem þarf að skoða fyrir árið 2021, má þar nefna að ljúka þarf síðasta hluta vegarins með Hólsárbakka að Borg. Lagfæring á brúargólfi á Rangárbrú við Reynifell. Styrkja veginn við Þjófafoss í samvinnu við Skógræktina og Landgræðsluna.
Lagfæra veg frá Heklubraut að Þingskálavegi í gegnum Bolholtsskóg.

Farið yfir stöðu vegaframkvæmda við Oddabrú. Vegagerðin er búin að bjóða út undibúningsvinnu fyrir burðarlag og lagningu slitlags. Vegurinn kemur nú inn á vegaskrá og er það fagnaðarefni. Verklok eru áætluð 1.okt 2021.

Brú er í framkvæmd, búið að reisa burðarvirki og verið að vinna að brúargólfi.
Lagt er til að sveitarfélagið taki samtalið við Landsvirkjun um að koma að vegabótum frá Landvegi að Þjófafossi

Vegagerðin hefur flýtt framkvæmdum við Rangárvallaveg og Oddaveg. Verður lagt slitlag á þessa vegi á árinu 2021. Lögð fram áætlun frá Vegagerðinni um fjármagn til tengivega. Hlutur vega í Rangárþingi ytra fram til ársins 2025 er 650 milljónir.