Skipulags- og umferðarnefnd Rangárþings ytra

Landeigandi Ásholts L223328 óskar eftir að fá að skipta úr landi sínu 7.178 m² spildu undir þjóðveg sem verður í veghaldi Vegagerðarinnar. Spildan fengi heitið Ásholt - vegsvæði og landeignanúmerið L236034 í samræmi við uppdrátt frá Vegagerðinni dags. 25.1.2023.

Landeigandi að Fosshólum, L165079, óskar eftir að fá að skipta úr jörð sinni, lóð sem fengi heitið Giljatunga 2, yrði 25.000 m² að stærð og fengi landeignanúmerið Lxxxxxx í samræmi við uppdrátt frá Landhönnun slf dags. 11. júní 2023. Áform eru um áframhaldandi landbúnaðarnot á lóðinni.

Umferðarmál innan Rangárþings ytra, merkingar og yfirferð á stöðu verkefna

Lagt fram álit Skipulagsstofnunar um efnistöku á Mýrdalssandi.

Umhverfisstofnun óskar eftir framkvæmdaleyfi til endurnýjunar á brú yfir Námskvísl í Landmannalaugum.

Steinunn Birna Svavarsdóttir fyrir hönd Þjótanda ehf. kt: 500901-2410 óskar eftir að gisting til útleigu í flokki II skv. reglugerð um veitingastaði, gististaði og skemmtanahald
nr. 1277/2O16 verði heimil i sumarhúsum félagsins við Rangárstíg 7og 8.
Samhliða er óskað eftir heimild til að gera nauðsynlegar breytingar á gildandi deiliskipulagi fyrir svæðið, ef leyfi til gistingar fæst.

Lagt fram nýsamþykkt erindisbréf fyrir Skipuplags- og umferðarnefnd.

Samkvæmt breytingum á jarðalögum frá árinu 2021 er gert ráð fyrir að sveitarstjórn taki ákvörðun um breytingar á landnotkun á grundvelli heildstæðs mats samkvæmt skipulagsáætlun. Við gerð aðalskipulags í dreifbýli skal land flokkað með tilliti til ræktunarmöguleika. Sveitarstjón Rangárþings ytra samþykkti á fundi sínum 12.10.2022 að ráðast í vinnu við flokkun landbúnaðarlands. Óskað hefur verið eftir verðhugmyndum í gerð flokkunar frá tveimur aðilum, Landformi og Eflu.

Landeigendur óska eftir heimild til að leggja fram tillögu að deiliskipulagi fyrir ferðaþjónustusvæði sitt. Stefnt er að áframhaldandi þróun á jörðinni með stækkun gistirýma og byggingu íbúðarhúsnæðis.

Fitjamenn ehf, lóðarhafar lóða nr. Þ2 og Þ3 í Hungurfitum, óska eftir að fá að staðsetja aðflutt hús utan skilgreindra lóðamarka, eins og sýnt er á meðfylgjandi afstöðumynd með umsókn. Ástæða fyrir beiðninni er að aðstæður á þegar afmarkaðri lóð eru afleitar þar sem um mikla vatnssöfnun er að ræða á skipulagðri lóð. Lögð er til ný staðsetning utan lóðar, vestur af núverandi lóð Þ2.

Landeigendur Meiri Tungu 2, L190166, óska eftir að fá að leggja fram breytingu á gildandi deiliskipulagi Meiri-Tungu 7, dags. 14.11.2019. Um rúmlega 1,1 ha samliggjandi svæði verði notað undir uppbyggingu ferðaþjónustu í formi gistingar í allt að fimm gistiskálum. Aðkoman að svæðinu er frá Ásvegi /(275) og um sama aðkomuveg og að íbúðarhúsinu á Meiri Tungu 7.
Skipulagsgögn eru frá Eflu dags. 29.6.2023.

Eigendur sækja um deiliskipulag fyrir lóðirnar Háigarður L235143, Bugurinn (Uxahryggur 2) L211029, Sóleyjartún (Uxahryggur 2 lóð 4) L212279 og LitliBær (Uxahryggur 2 lóð 3) L212278. Heimilt verður að byggja á hverri lóð
frístundarhús, allt að 150m² og gestahús allt að 40m², mænishæð allt að 6m, og önnur smáhýsi sem eðlilegt getur talist að tilheyra frístundarhúsi, s.s. gróðurhús, geymslu, baðhús o.þ.h. Aðkoma að lóðunum er frá Landeyjavegi nr. 252.

Landeigandi hefur lagt fram tillögu að deiliskipulagi fyrir spildu sína, Svínhagi L7C, L222402. Á svæðinu verði gert ráð fyrir byggingu frístundahúss, vinnustofuhúss, bílgeymslu og gróðurhúss ásamt 2-3 gestahúsum. Tillagan var auglýst og frestur til athugasemda gefinn til og með 24. maí. Athugasemd barst frá Heilbrigðiseftirliti Suðurlands vegna misræmis í texta greinargerðar varðandi húsagerðir.

Eigendur lóðanna Nes lands hafa lagt fram tillögu að deiliskipulagi af lóðum sínum. Áform eru uppi um byggingu sumarhúsa. Tillagan var auglýst frá og með 18.1.2023 til og með 1.3.2023. Við afgreiðslu Skipulagsstofnunar komu fram ábendingar og athugasemdir. Lögð er fram leiðrétt tillaga frá Teiknistofunni TRÖÐ dags. br. 13.6.2023 þar sem búið er að taka tillit til athugasemda stofnunarinnar.

Um er að ræða breytingu á ÍB33, íbúðasvæði milli Árbæjarvegar og Ytri-Rangár. Heimild verði fyrir allt að 20 íbúðarlóðum í stað 16 áður og lóðin Heiðarbrún L220265 verði færð undir landbúnaðarnot að nýju.

Sveitarstjórn Rangárþings ytra samþykkti á fundi sínum þann 5.4.2023 að gerðar yrðu breytingar á landnotkun á lóðinni Ægissíða 1 L165446 þar sem núverandi landbúnaðarsvæði verði breytt í Verslunar- og þjónustusvæði. Lýsing skipulagsáforma lögð fram frá Eflu dags. 19.6.2023. Gert er ráð fyrir að settar verði upp allt að 12 plastkúlur til afnota fyrir ferðamenn ásamt þjónustuhúsi.

Landsvirkjun vinnur að gerð deiliskipulags fyrir Hrauneyjafossstöð og leitarmannahúsið Þóristungur á Holtamannaafrétti. Hrauneyjafossstöð (landnr. 165332). Mannvirki eru í Ásahreppi og Rangárþingi ytra. Deiliskipulagið snýst um að staðfesta núverandi landnotkun. Uppsett afl Hrauneyjafossstöðvar er allt að 210 MW og verður heimilt að stækka hana í 240 MW. Ef farið verður í þær framkvæmdir munu þær einungis felast í endurbótum á núverandi vélum og verða innanhúss. Lýsing var kynnt sameiginlega af báðum sveitarfélgöum 16. júní til 7. júlí 2022. Lögð er fram tillaga frá Eflu dags. 21.11.2022.

Landsvirkjun vinnur að gerð deiliskipulags fyrir Sigöldustöð (landnr. 165348). Mannvirki eru í Ásahreppi og Rangárþingi ytra. Deiliskipulagið snýst um að staðfesta núverandi landnotkun og heimila stækkun stöðvarinnar. Í dag er virkjað rennsli 240 m3/s og afl Sigöldustöðvar er 150 MW. Framkvæmdir við stöðina hófust árið 1973 og var hún gangsett í byrjun árs 1978. Landsvirkjun áformar nú að stækka stöðina með því að bæta við fjórðu vélinni og auka með því afl stöðvarinnar í allt að 215 MW. Auk þess verður stöðvarhús stækkað og frárennslisskurður breikkaður næst stöðvarhúsi. Lýsing var kynnt sameiginlega af báðum sveitarfélögum 16. júní til 7. júlí 2022. Lögð er fram tillaga frá Eflu dags. 21.11.2022, breytt 19.6.2023.

Svæðisskipulag Suðurhálendis 2022-2042. Lögð er fram tillaga að svæðisskipulagi Suðurhálendis 2022-2042, með greinargerð. Tillagan og fylgigögn hafa verið yfirfarin af Svæðisskipulagsnefnd Suðurhálendis sem staðfestir hana fyrir sitt leyti og með tilvísun í 3. mgr. 23. gr. skipulagslaga nr. 123/2010 og 15. gr. laga um umhverfismat framkvæmda og áætlana nr. 111/2021 og er vísað til umfjöllunar sveitarstjórna til að fá formlega afgreiðslu þeirra á málinu.

Haraldur Guðmundsson eigandi að lóðum nr. 34 og 35 við Gaddstaði óskar eftir að mörk byggingareits að vestanverðu verði færður allt að 30 metra vestar, þ.e. innar í skipulagðan skóginn. Ástæðan er sú að vegna vatnsrásar í landinu er ekki hægt að staðsetja byggingar skv. núverandi skipulagi. Einnig er lægð í landi en land hækkar töluvert þegar vestar kemur og því ákjósanlegra að byggja þar en niðri í lægðinni.
Afar stutt er á sandklöppina og þau tré sem þegar eru komin hafa einungis um 10-15 sm jarðveg fyrir rætur. Því er óskað eftir að byggingar á lóðinni verði frekar hafðar þar sem gróðursnautt er nú þegar.