Skipulags- og umferðarnefnd Rangárþings ytra

Landeigendur jarðanna Grásteins L174770 og Austvaðsholts L164966 hafa gert með sér samkomulag og lagt fram hnitsettan og áritaðan uppdrátt með staðfestingu á landamerkjalínu milli jarðanna, hnit nr. 1-8 sbr. uppdrátt frá Eflu dags. 22.2.2023. Mörkum til staðfestingar hafa landeigendur skrifað undir og samþykkt fyrir sitt leyti, með fyrirvara um nákvæmni hnita.

Landeigandi Hróarslækjar L164520 óskar eftir að fá að skipta úr landi sínu, lóð sem yrði 6498,3 m² að stærð og fengi heitið Hróarslækur 3, L236178. Notkun lóðarinnar yrði í landbúnaðarnotum með áforum um fast aðsetur lóðarhafa í samræmi við uppdrátt frá Eflu dags. 4.7.2023.

Eigandi Búðar 1, L165368, óskar eftir að fá að skipta út spildunni sem merkt er "C" af staðfestum spildum jarðarinnar i samræmi við uppdrætti frá Landnotum dags. 24.5.2013. Spildan er 7,35 ha að stærð og fengi heitið Búð 3 og landeignanúmerið Lxxxxxx. Stærð jarðarinnar minnkar sem nemur útskiptri spildu.

Staða byggingarleyfismála kynnt

Kjör varaformanns. Í 2. gr. erindisbréfs nefndarinnar er kveðið á um að nefndarfólk kjósi varaformann á fyrsta fundi nefndarinnar.

Úrskurðarnefnd umhverfis- og auðlindamála sendi afrit kæru dags. 15. ágúst 2023 ásamt fylgiskjölum, móttekið af nefndinni s.d., vegna afgreiðslu sveitarfélagsins Rangárþings ytra, á framkvæmdaleyfi til Umhverfisstofnunar vegna uppbyggingar og endurnýjunar á búningsaðstöðu við náttúrulaugina í Landmannalaugum. Í kjölfarið sendi skipulagsfulltrúi svar til nefndarinnar þar sem ferill málsins var rakinn. Þann 29. ágúst sl barst bráðabirgðaúrskurður frá nefndinni þar sem kröfu kæranda um stöðvun framkvæmda var hafnað.

Knattspyrnufélag Rangæinga sækir um leyfi til að setja upp auglýsingaskilti. Um er að ræða uppsetningu á heitgalvanhúðuðu stálmastri með tveimur auglýsingaskiltum ásamt steinsteyptri undirstöðu. Skiltið er um 4 x 3 metrar að stærð og efsti punktur þess yrði í um 6,5 m frá jarðvegi kringum það. Umsókn fylgir gögn frá Mannviti dags. 8.8.2023.

Landsvirkjun hefur lagt fram umhverfismatsskýrslu vegna stækkunar Sigöldustöðvar. Í dag er virkjað rennsli 240 m3/s og uppsett afl Sigöldustöðvar er 150 MW. Framkvæmdir við stöðina hófust árið 1973 og var hún gangsett í byrjun árs 1978. Landsvirkjun áformar nú að stækka stöðina með því að bæta við fjórðu vélinni og auka með því afl stöðvarinnar í allt að 215 MW. Með þessari aflaukningu eykst orkuvinnslugeta stöðvarinnar aðeins lítillega nema að til komi meira rennsli, til dæmis með aukinni bráðnun jökla eða aukinni úrkomu. Umsagnir skulu berast eigi síðar en 25. september nk.

Rangárþing ytra sækir um framkvæmdaleyfi til uppbyggingar á grjótvörn vegna fyrirhugaðrar stækkunar á bílastæði við Námskvísl í Landmannalaugum. Um er að ræða fyrri hluta heildarframkvæmdar sem kynnt er í umhverfismatsskýrslu. Fyrir liggur umsögn Landgræðslunnar og Umhverfisstofnunar.

Skipulagsstofnun hefur ákveðið að vísa frá beiðni Náttúrugriða ehf um endurupptöku á áliti stofnunarinnar frá 13. júlí sl um mat á umhverfisáhrifum þjónustumiðstöðvar í Landmannalaugum.

Eigendur lóða L165412, L198604 og L223017 hafa lagt fram tillögu að deiliskipulagi af verslunar- og þjónustusvæði sínu við Rangá.

Í endanlegri afgreiðslu Skipulagsstofnunar eftir auglýsingu tillögunnar kom í ljós að vantaði undanþágu frá ráðuneyti vegna fjarlægðar bygginga frá ám og vötnum.

Elísabet Guðmundsdóttir fyrir hönd landeigenda að Vesturseli L235160 óskar eftir að gerð verði breyting á landnotkun lóðarinnar í aðalskipulagi þar sem núverandi frístundasvæði verði fært yfir í landbúnarðarnot að nýju. Stefnt er að skógrækt og lítilsháttar hestahaldi.

Elísabet Guðmundsdóttir eigandi að Móseli L224132 óskar eftir að gerð verði breyting á landnotkun lóðarinnar í aðalskipulagi þar sem núverandi frístundasvæði verði fært yfir í landbúnarðarnot að nýju. Stefnt er að skógrækt og lítilsháttar hestahaldi.

Hannes Guðmundsson eigandi að Seli L202401 óskar eftir að gerð verði breyting á landnotkun lóðarinnar í aðalskipulagi þar sem núverandi frístundasvæði verði fært yfir í landbúnarðarnot að nýju. Stefnt er að uppbyggingu á íbúðarhúsnæði og því tengdu.

Hannes Guðmundsson fyrir hönd landeiganda að Aðalseli L235159 óskar eftir að gerð verði breyting á landnotkun lóðarinnar í aðalskipulagi þar sem núverandi frístundasvæði verði fært yfir í landbúnarðarnot að nýju. Stefnt er að uppbyggingu á íbúðarhúsnæði og því tengdu.

Landeigendur hafa lagt fram tillögu að deiliskipulagi fyrir ferðaþjónustusvæði sitt. Stefnt er að áframhaldandi þróun á jörðinni með stækkun gistirýma og byggingu íbúðarhúsnæðis. Tillagan var auglýst frá og með 19.7.2023 til og með 30.8.2023. Athugasemd barst frá Vegagerðinni um að sýna þurfi veghelgunarsvæði á uppdrætti. Ekki var um fleiri athugasemdir að ræða.

Landeigendur Meiri Tungu 2, L190166, hafa lagt fram deiliskipulag úr hluta jarðarinnar. Um rúmlega 1,1 ha svæði verði notað undir uppbyggingu ferðaþjónustu í formi gistingar í allt að fimm gistiskálum. Aðkoman að svæðinu er frá Ásvegi /(275) og um sama aðkomuveg og að íbúðarhúsinu á Meiri Tungu 7.

Skipulagsgögn eru frá Eflu dags. 29.6.2023. Tillagan var auglýst frá og með 19.7.2023 til og með 30.8.2023. Engar athugasemdir bárust.

Eigendur hafa lagt fram tillögu að deiliskipulagi fyrir lóðirnar Háigarður L235143, Bugurinn (Uxahryggur 2) L211029, Sóleyjartún (Uxahryggur 2 lóð 4) L212279 og LitliBær (Uxahryggur 2 lóð 3) L212278. Heimilt verður að byggja á hverri lóð frístundarhús, allt að 150m² og gestahús allt að 40m², mænishæð allt að 6m, og önnur smáhýsi sem eðlilegt getur talist að tilheyra frístundarhúsi, s.s. gróðurhús, geymslu, baðhús o.þ.h. Aðkoma að lóðunum er frá Landeyjavegi nr. 252. Tillagan var auglýst frá og með 19.7.2023 til og með 30.8.2023. Engar athugasemdir bárust.

Landsvirkjun hefur lagt fram tillögu að deiliskipulagi fyrir Sigöldustöð (landnr. 165348). Mannvirki eru í Ásahreppi og Rangárþingi ytra. Deiliskipulagið snýst um að staðfesta núverandi landnotkun og heimila stækkun stöðvarinnar. Í dag er virkjað rennsli 240 m3/s og afl Sigöldustöðvar er 150 MW. Framkvæmdir við stöðina hófust árið 1973 og var hún gangsett í byrjun árs 1978. Landsvirkjun áformar nú að stækka stöðina með því að bæta við fjórðu vélinni og auka með því afl stöðvarinnar í allt að 215 MW. Auk þess verður stöðvarhús stækkað og frárennslisskurður breikkaður næst stöðvarhúsi. Lýsing var kynnt sameiginlega af báðum sveitarfélögum 16. júní til 7. júlí 2022. Tillaga var auglýst frá og með 19.7.2023 til og með 30.8.2023. Ábendingar bárust frá umsagnaraðilum og lögð er fram uppfærð tillaga.

Landsvirkjun hefur lagt fram tillögu að deiliskipulagi fyrir Hrauneyjafossstöð og leitarmannahúsið Þóristungur á

Holtamannaafrétti. Hrauneyjafossstöð (landnr. 165332). Mannvirki eru í Ásahreppi og Rangárþingi ytra. Deiliskipulagið snýst um að staðfesta núverandi landnotkun. Uppsett afl Hrauneyjafossstöðvar er allt að 210 MW og verður heimilt að stækka hana í 240 MW. Ef farið verður í þær framkvæmdir munu þær einungis felast í endurbótum á núverandi vélum og verða innanhúss. Lýsing var kynnt sameiginlega af báðum sveitarfélgöum 16. júní til 7. júlí 2022. Tillagan var auglýst frá og með 19.7.2023 til og með 30.8.2023. Ábendingar bárust frá umsagnaraðilum og lögð er fram uppfærð tillaga.

Andri Guðmundsson og Árni Freyr Magnússon í fullu umboði landeiganda hafa lagt fram tillögu að deiliskipulagi af hluta jarðarinnar Ægissíða 1, L165446. Tillagan tekur til uppbyggingar á ferðaþjónustu þar sem gert er ráð fyrir 12 plastkúlum, þjónustuhúsi og bílastæði. Tillagan var auglýst frá og með 6.3.2023 til og með 24. maí 2023. Ábendingar bárust og lögð er fram uppfærð tillaga þar sem tekið hefur verið tillit til þeirra. Eftir auglýsingu var ákveðið að stækka umfang minni byggingareitsins og hann færður undir núverandi útihús.