Skipulags- og umferðarnefnd Rangárþings ytra

Gunnar Guttormsson óskar eftir landskiptum úr Marteinstungu, L165127. Skipt verður út 1500 m2 lóð sem fær landeignanúmerið 228051. Lóðin verði stofnuð sem leigulóð. Jafnframt er óskað eftir að nafn spildunnar verði Marteinstunga Tankur 1.

Sólveig Benjamínsdóttir óskar eftir að lóðin Ölversholt, L190395, sameinist Hólmatjörn, L219184. Stærð lóðarinnar er 45000 m2 og verður stærð Hólmatjarnar því 59,3 ha eftir sameiningu. Vísað í uppdrátt frá Hljóðvist og hönnun ehf, dags. desember 2009

Landeigendur óska eftir að fá að skipta úr jörð sinni tveimur spildum vestan við Árbæjarveg.
Önnur spildan yrði 24,4 ha að stærð, fengi landeignanúmerið L228110 og heitið Hamarsholt. Seinni spildan yrði 12,8 ha að stærð, fengi landeignanúmerið L228111 og heitið Völlur. Austvaðsholt 2 minnkar um því sem nemur stærðum nýrra lóða.

Eigendur Öldutúns L197141, áður Helluvað 2 lóð, óska eftir heimild til að leggja fram nýtt deiliskipulag af svæði sínu. Í gildi er deiliskipulag af svæðinu sem dagsett er í janúar 2009. Með gildistöku nýs deiliskipulags er eldra skipulag fellt úr gildi. Áformað er að skipta spildunni í 3 jafnstórar lóðir til byggingar íbúðarhúsa ásamt bílskúr og gestahúsum. Lögð er fram lýsing skipulagsáætlunar ásamt drögum að greinargerð og tillögu.

Andreas Dadler fyrir hönd Panorama Glass Lodge ehf óskar eftir breytingu á landnotkun fyrir spildu sína, Svínhaga L6B, þar sem núverandi landnotkun verði breytt úr landbúnaðarnotkun í verslunar- og þjónustunotkun. Áformuð er uppbyggingu gistiþjónustu á svæðinu.

Fyrir liggur að á síðasta ári féll dómur í Hæstarétti um landamerki Grásteins og Fagurhóls. Af dómnum leiðir að landamerki jarðanna eru ekki í samræmi við afmörkun Fagurhóls í gildandi deiliskipulagi.
Sveitarfélagið hefur lagt fram tillögu að breyttri afmörkun skipulagssvæðis. Breytt tillaga var grenndarkynnt eigendum Fagurhóls og Grásteins og var frestur til athugasemda til 17. janúar 2019. Athugasemd barst frá eigendum Grásteins með tölvupósti dags. 15.1.2019 þar sem m.a. kemur fram að landstærð Fagurhóls sé ekki í samræmi við skráða stærð í Þjóðskrá. Athugasemd barst frá eigendum Fagurhóls með tölvupósti dags. 17.1.2019 um skilgreiningu hnitpunkta á uppdrætti, þar sem áréttað er að veglínan skipti jörðunum en ekki bein lína.

Haraldur Gísli Kristjánsson hefur lagt fram tillögu að deiliskipulagi fyrir lóð úr landi Hóla undir íbúðarhús og skemmu. Tillagan var auglýst að nýju vegna tímaákvæða í skipulagslögum frá 14.12.2018 til og með 30.1.2019. Engar athugasemdir bárust.

Landeigendur Leynis, landnr. 217813 hafa lagt fram tillögu að deiliskipulagi fyrir land sitt. Gert verði ráð fyrir 4 frístundalóðum og einni landbúnaðarlóð og gerð grein fyrir aðkomu að þeim. 4 lóðir hafa þegar verið stofnaðar. Á frístundalóðunum er heimilt að byggja allt að 100 m2 sumarhús, 50 m2 gestahús og 40 m2 geymslu. Á landbúnaðarlóðinni er heimilt að byggja allt að 150 m2 íbúðarhús, 50 m2 gestahús og 40 m2 geymslu. Tillagan var auglýst frá 14.12.2018 til og með 30.1.2019. Athugasemd barst frá nærliggjandi landeiganda þar sem gerð var athugasemd við legu aðkomuvegar í gegnum land hans að skipulagssvæðinu. Jafnframt barst athugasemd frá Heilbrigðiseftirliti Suðurlands þar sem þess er farið á leit að gerðar verði frekari útfærslur á frágangi fráveitu þar sem lóðirnar eru staðsettar innan fjarsvæðis vatnsverndar. Vegagerðin gerir ekki athugasemdir við sýnda tengingu en bendir á að æskilegt væri ef kvöð yrði sett á vegi á svæðinu um að heimilt verði að nýta þá ef af frekari uppbyggingu verður á svæðinu. Athugasemdir bárust frá Umhverfisstofnun þar sem stofnunin telur að umrætt svæði falli undir skilgreiningu um náttúruvernd skv. 61. grein laga um náttúruvernd nr. 60/2013.

Landeigendur hafa lagt fram tillögu að deiliskipulagi fyrir gististarfsemi á lóð þeirra SH-16 úr landi Svínhaga. Fyrir liggur umsókn um byggingu þriggja gistiskála á lóðinni. Svæðið er skilgreint sem landbúnaðarsvæði í aðalskipulagi. Tillagan var auglýst frá 14.12.2018 til og með 30.1.2019. Athugasemd barst frá Heilbrigðiseftirliti Suðurlands um að skýra þyrfti betur hvernig tengingu við vatnsveitu verði háttað.

Eigendur hafa lagt fram tillögu að breytingu á gildandi deiliskipulagi dags. 13.9.2017. Nýtt deiliskipulag tekur til framlengingar aðkomuvegar, afmörkunar 6 nýrra lóða í stærðum frá 3,7 ha til 5,9 ha og byggingareita fyrir íbúðarhús, gestahús og hesthús. Nýjar lóðir fái nafnið grenjar 4-10. Tillagan var auglýst frá 14.12.2018 til og með 30.1.2019. Ábendingar bárust frá Umhverfisstofnun þess efnis að á svæðinu væru vistgerðir sem þarfnast verndar og að komi fram í tillögunni að vistgerðum verði ekki raskað. Ábending barst frá Minjastofnun um að sýna þurfi útlínur á vörslugarði, sem sýndur var á eldri uppdrætti en fallið hefur út við gerð nýs uppdráttar. Jafnframt barst ábending frá Heilbrigðiseftirliti Suðurlands um að leitast skuli við að fráveita verði lögð í sameiginleg hreinsivirki eftir því sem við verði komið.

Lóðarhafi hefur lagt fram tillögu að deiliskipulagi fyrir lóð sína. Á lóðinni er fyrirhugað að byggja íbúðarhús, bílskúr og gestahús, í tengslum við búrekstur á jörðinni.
Aðkoma að lóðinni er af Ásvegi og um nýjan aðkomuveg um land Meiri-Tungu 2. Tillagan var auglýst frá 14.12.2018 til og með 30.1.2019. Ábendingar bárust frá Umhverfisstofnun þess efnis að staðsetning og fjarlægðir frá byggingareit nýrrar lóðar koma ekki fram á skýringaruppdrætti tillögunnar.

Breyting á gildandi deiliskipulagi dags. 26.9.2018 þar sem bætt er við lóð undir spennistöð, skv. uppdrætti frá Eflu dags. 18.12.2018.

Landeigandi hefur fengið heimild sveitarstjórnar til að leggja fram deiliskipulag af jörð sinni. Samkvæmt fyrirliggjandi áformum verður jörðin nýtt undir ferðaþjónustu tengda hestamennsku, reisa á íbúðarhús og skemmu fyrir lögbýli ásamt reiðhöll. Jafnframt er gert ráð fyrir stórum einbýlishúsum í ferðaþjónustu, tjaldsvæði fyrir skipulagða hópa á vegum staðarhaldara ásamt frístundahúsalóðum á 3 stöðum á jörðinni. Lögð er fram lýsing skipulagsáætlunar.