Skipulags- og umferðarnefnd Rangárþings ytra

Eigandi leirubakka óskar eftir að fá að stofna alls 20 lóðir úr jörð sinni en sú skipting er í samræmi við gildandi deiliskipulag frá 2008 fyrir svæði nefnt Höfuðból. Stofnaðar hafa verið 14 lóðir áður úr svæðinu. Lóðirnar eru frá 1,0 til 1,2 ha að stærð. Lóðirnar fá heitin Höfuðból, 301, 302, 303, 304, 305, 306, 307, 308, 201, 202, 203, 204, 205, 206, 207, 208, 210, 114, 115 og 116. Jörðin Leirubakki L164988 minnkar sem nemur útskiptum lóðum.

Byggingarfulltrúi hefur unnið að gerð reglna um staðsetningu og útlit skilta í sveitarfélaginu. Lögð eru fram drög að skiltareglugerð.

Guðmundur Árnason óskar eftir lóð til að byggja á í Grashaga, skilgreindu fjallaseli skv. aðalskipulagi Rangárþings ytra 2016-2028. Umsækjandi hefur áform um uppbyggingu fjallaskála, allt að 100 fm að grunnfleti, í Grashaga á Rangárvallaafrétti. Umsókn send 28.6.2021.

Landsnet hefur hafið undirbúning að lagningu nýs jarðstrengs sem liggja á frá tengivirki á Hellu að tengivirkinu í Rimakoti ofan Landeyjafjöru.

Stjórn veiðifélags eystri bakka Hólsár óskar eftir heimild sveitarstjórnar til að leggja nýjan vegslóða við Þverá í samræmi við fram lagða áætlun.

Jóhanna Þorbjörg Magnúsdóttir, eigandi að jörðinni Selási L197088, óskar eftir heimild til að leggja fram deiliskipulag af viðbótarlóðum til uppbyggingar á íbúðarlóðum úr jörð sinni. Núverandi íbúðasvæði merkt ÍB8 í greinargerð aðalskipulagsins er til staðar á jörðinni.

Eigendur lóða nr. 19 og 23 í Þjóðólfshaga óska eftir að breyting verði gerð á landnotkun lóða sinna í aðalskipulagi sveitarfélagsins, þar sem núverandi frístundanotkun verði breytt í íbúðarnot. Viðkomandi hefur áform um fasta búsetu á lóðinni ef umrædd breyting nær fram að ganga. Umsókn dags. 9.6.2021.

Hermann Ólafsson fyrir hönd eigenda að Fosshólum 3 og 4 óskar eftir heimild til að leggja fram deiliskipulag. Deiliskipulagið gerir ráð fyrir að á hvorum stað megi byggja íbúðarhús, gestahús og reiðhöll / skemmu.

Eigandi Vatnskots 2 hefur óskað eftir að fá að byggja sér íbúðarhús, skemmu og bílskúr á landbúnaðarlandi sínu. Landið tengist við Þykkvabæjarveg að vestan og Rangá að austan. Uppdráttur og skýringar frá Eflu dags. 1.7.2021.

Fyrirhugað er að gerðar verði nauðsynlegar breytingar á landnotkun fyrir nokkur svæði innan sveitarfélagsins. Breytingarnar eru:
Litli Klofi 2, breyting úr landbúnaðarsvæði í íbúðarsvæði;
Gaddstaðir, breyting úr frístundasvæði í íbúðarsvæði;
Þjóðólfshagi, breyting úr frístundasvæði í íbúðarsvæði;
Borgarbraut 4 í Þykkvabæ, breyting úr íbúðasvæði í verslunar- og þjónustusvæði;
Landsveit, vatnsverndarsvæði, breyting á afmörkun grannsvæðis og akstursíþróttasvæði við Gunnarsholtsveg, breyting úr skógræktar- og landbnúnaðarsvæði í íþróttasvæði.
Lýsing skipulagsáætlunar var kynnt frá og með 21.4.2021 til og með 14.5.2021. Allar umsagnir voru jákvæðar frá umsagnaraðilum. Ábendingar bárust frá Skipulagsstofnun um nokkur efnilsleg atriði lýsingarinnar og hvað betur megi fara við gerð tillagna í framhaldinu. Ábending barst frá Landsneti um varúð gagnvart strengjum í jörðu vegna nálægðar við fyrirhugað akstursíþróttasvæði. Athugasemd barst frá þremur landeigendum úr Litla-Klofa vegna vatnsverndarmálsins.

Landeigendur Grafar og Varmadals óska eftir að landnotkun verði breytt og heimiluð efnistaka í gryfjum við Hróarslæk. Reiknað er með að efnistaka verði allt að 50.000 m3 af sandi. Yfirlýsing beggja landeigenda liggur fyrir. Lögð er fram lýsing skipulagsáforma.

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á nokkrum lóðum úr Þjóðólfshaga, þar sem núverandi frístundabyggð verði gerð að landbúnaðarsvæði að nýju. Bæst hafa við lóðir frá fyrri breytingu. Sameiginleg lýsing skipulagsáforma hefur verið kynnt og lögð er fram tillaga að breytingu á landnotkun.

Sveitarstjórn Rangárþings ytra samþykkti á fundi sínum 15.4.2021 að gera þyrfti nauðsynlegar breytingar á landnotkun í aðalskipulagi sveitarfélagsins þar sem núverandi opið svæði norðan við grunnskólann og núverandi knattspyrnuvöll á Hellu, merkt OP2 á uppdrætti og í greinargerð aðalskipulagsins, verði gert að íþróttasvæði. Um er að ræða u.þ.b. 10 ha svæði. Lýsing skipulagsáætlunar var kynnt til og með 23. júní sl. Ábendingar bárust frá Skipulagsstofnun um efnisleg atriði sem taka þarf tillit til við vinnslu tillögunnar. Lögð er fram tillaga um breytingar á aðalskipulagi.

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á Gaddstöðum, þar sem núverandi frístundabyggð verði gerð að íbúðabyggð. Bæst hafa við nokkrar lóðir frá fyrri breytingu. Sameiginleg lýsing skipulagsáforma hefur verið kynnt og lögð er fram tillaga að breytingu á landnotkun.

Lóðarhafi og eigandi lóðar nr. 4 við Borgarbraut í Þykkvabæ óskar eftir að breyting verði gerð á landnotkun lóðar sinnar í aðalskipulagi sveitarfélagsins, þar sem núverandi íbúðarnotkun verði breytt í verslunar- og þjónustunot. Viðkomandi hefur rekið ferðaþjónustutengda starfsemi á lóð sinni í fjölda ára og hefur hug á að auka við möguleika sína. Umrædd lóð er upphafslóð núverandi íbúðabyggðar að Borg. Sameiginleg lýsing skipulagsáforma hefur verið kynnt og lögð er fram tillaga að breytingu á landnotkun.

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á svæði úr löndum sveitarfélagsins vestan við Gunnarsholtsveg norðan Suðurlandsvegar, þar sem hluti af núverandi skógræktar- og landgræðslusvæði SL1 verði gert að íþróttasvæði ÍÞ6. Sameiginleg lýsing skipulagsáforma hefur verið kynnt og lögð er fram tillaga að breytingu á landnotkun.

Eigandi Leirubakka, lands undir frístundasvæðinu Fjallalandi, hefur óskað eftir að gerðar verði breytingar á gildandi deiliskipulagi fyrir Fjallaland dags. 1.2.2006. Bætt verði við tveimur lóðum nr. 59 og 61 í framhaldi af núverandi lóðum á svæðinu. Nýju lóðirnar fylgja þeim skilmálum sem gilda um sambærilegar lóðir í gildandi skipulagi. Áform umsækjanda hafa verið grenndarkynnt og var frestur fyrst gefinn til 11. júní en framlengdur að ósk aðila til 25. júní. Athugasemdir bárust frá lóðarhöfum í gegnum Landslög lögfræðistofu.

Ásahreppur hefur hafið endurskoðun á aðalskipulagi sveitarfélagsins. Meðfylgjandi er greinargerð frá Eflu, Forsendur og umhverfisskýrsla, Ferðaþjónusta, Uppdráttur byggð og Uppdráttur Holtamannaafréttur, allt dags. 14.5.2021. Óskað er eftir umsögn Rangárþings ytra.

Úrskurðarnefnd umhverfis- og auðlindamála hefur afgreitt kæru nr. 26-2021. Kærð var ákvörðun sveitarstjórnar um deiliskipulag fyrir Minna-Hof ásamt breytingum á aðalskipulagi fyrir Rangárþing Ytra, þar sem þess var krafist að það yrði fellt úr gildi. Niðurstaðan er að Úrskurðarnefnd umhverfis- og auðlindamála hefur hafnað kröfu um ógildingu deiliskipulags fyrir Minna-Hof.

Íslenska nýsköpunarfyrirtækið ehf hefur fengið heimild sveitarstjórnar til að deiliskipuleggja lóð sína fyrir starfsemi leiðtoga- og kyrrðarseturs. Áform eru uppi um byggingar á gistiskálum og kennslustofum. Lögð er fram tillaga að deiliskipulagi.

Vignir Bjarnason fyrir hönd landeigenda að Bjallaseli, Bjalladal og Sveitinni, hefur lagt fram tillögu að deiliskipulagi fyrir umræddar lóðir í samræmi við uppdrátt Akks arkitekta dags. 5.5.2021. Gert verði ráð fyrir byggingareitum innan hverrar lóðar þar sem heimilt verði að reisa allt að 150 m2 íbúðarhús, 200 m2 skemmu, gróðurhús, útihús innan hvers byggingarreits auk 80 m2 gestahúss. Tillagan var auglýst frá 26.5.2021 til og með 7.7.2021. Engar athugasemdfir bárust.

Silje Dalen fyrir hönd landeigenda að Næfurholti hefur lagt fram deiliskipulag af tveimur lóðum úr Næfurholti í samræmi við uppdrátt frá Eflu dags. 29.4.2021. Gert verði ráð fyrir lóð undir íbúðarhús og bílskúr sem fengi heitið Næfurholt 2 ásamt lóð undir skemmu. Sú lóð fengi heitið Lambhústún. Aðkoma er af Þingskálavegi (268) um núverandi aðkomuveg (2759). Tillagan var auglýst frá 26.5.2021 til og með 7.7.2021. Engar athugasemdir bárust.

Sigurður Ólafsson eigandi Minni Valla 5 hefur lagt fram tillögu að deiliskipulagi fyrir land sitt í samræmi við uppdrátt frá Landslagi dags. 5.5.2021. Gert verði ráð fyrir byggingu allt að 300 m2 íbúðarhúss og 600 m2 skemmu með mögulegu hesthúsi að hluta ásamt gestahúsi og útihúsum. Aðkoman er frá Landvegi 26. Tillagan var auglýst frá 26.5.2021 til og með 7.7.2021. Athugasemd barst frá Umhverfisstofnun.

Skipulagsfulltrúi Rangárþings eystra óskar eftir umsögn Rangárþings ytra vegna áforma landeigenda að Velli I, II og III um deiliskipulag frístundasvæðis.