Skipulags- og umferðarnefnd Rangárþings ytra

Eigendur Bjalla 4 óska eftir að skipta upp landi sínu í samræmi við framlögð gögn málsins. Vísað er til uppdráttar frá Eflu dags. 1.3.2021 sem aðilar málsins hafa staðfest með undirritun sinni. Um tvær spildur er að ræða sem skipta á upp, annars vegar nyrðri spildan, 54,69 ha, sem skiptist í 6 parta og hins vegar syðri spildan, 27,83 ha, sem skiptist í 4 parta. Þessar 10 spildur sem til verða skiptast í framhaldinu í samræmi við 2. grein samnings á milli aðila og er hér sem hluti af fylgiskjölum málsins. 3 landeignanúmer verða stofnuð: Gamli Bjalli 2, L233536, Gamli Bjalli 3, L233537 og Gamli Bjalli 4, L233538. Bjalli 4 heldur upprunalandnúmeri og fær heitið Gamli Bjalli 1.

Skipulagsstofnun hefur sent frá sér álit sitt þess efnis að lagning ljósleiðarastrengs frá Þorlákshöfn að Landeyjasandi sé ekki líkleg til að hafa í för með sér umtalsverð umhverfisáhrif, sbr. þau viðmið sem tilgreind eru í 2. viðauka laga um umhverfismat framkvæmda og áætlana. Því skal framkvæmdin ekki háð mati á umhverfisáhrifum

Lóðareigendur lóðanna Hagi lóð 2, L218421 og Hagi lóð, L192681 óska eftir að gerð verði breyting á núverandi skilgreiningu landnotkunar í aðalskipulagi sveitarfélagsins, þar sem núverandi frístundasvæði verði gert að landbúnaðarsvæði að nýju. Áform landeigenda er að setjast að og flytja lögheimili sitt á staðinn.

Eigendur Háasels L220358 óska eftir að gerð verði breyting á landnotkun á landi sínu þar sem núverandi fríastundasvæði verði gert að landbúnaðarsvæði að nýju. Ekkert deiliskipulag liggur fyrir af svæðinu.

Oddur Hermannsson fyrir hönd Landamerkja ehf sótti um heimild til skipulags á Geysisflötum með umsókn á árinu 2018. Tillagan gerði ráð fyrir starfsemi við tjaldsvæði og þjónustu skv. leigusamningi á lóð sveitarfélagsins. Erindinu var hafnað af sveitarstjórn af þeim sökum að svæðið sem tekið var undir þótti of stórt undir viðkomandi starfsemi. Lögð eru fram ný gögn málsins þar sem búið er að minnka athafnasvæðið.

Landsvirkjun vinnur að gerð deiliskipulags fyrir aflstöðvar í eigu fyrirtækisins á Þjórsár- og Tungnaársvæðinu. Hluti af Sigöldustöð og Hrauneyjafossstöð eru innan Rangárþings ytra.
Lögð er fram Skipulagslýsing frá Eflu dags. 22.3.2022.

Landeigendur óska eftir breytingu á gildandi deiliskipulagi frá 26.2.2021. Breytingin felur í sér að hluta núverandi lóða er skipt upp og fara því í 13 úr 10. Auk þess breytist afmörkun einnar lóðar. Útmörk svæðisins verða óbreytt. Tillaga frá Eflu dags. 14.3.2022.

Skipulagsráðgjafi fyrir hönd lóðarhafa óskar eftir heimild til að leggja fram deiliskipulag af lóð félagsins Geo Salmo ehf að Laugum. Skipulagið lýtur að starfsemi félagsins á svæðinu en þar er og hefur verið rekin fiskeldisstöð til margra ára.

Eigendur Bæjarholts óska eftir að gera breytingar á gildandi deiliskipulagi dags. 7.6.2013 þar sem skipt verði á byggingareitum, þ.e. reitur sem var á gildandi skipulagi ætlaður fyrir hesthús verði fyrir íbúðarhús og öfugt. Engar aðrar breytingar gerðar.

Sveitarstjórn Rangárþings ytra hefur samþykkt að gera þurfi nauðsynlegar breytingar á landnotkun í aðalskipulagi sveitarfélagsins þar sem núverandi opið svæði norðan við grunnskólann og núverandi knattspyrnuvöll á Hellu, merkt OP2 á uppdrætti og í greinargerð aðalskipulagsins, verði gert að íþróttasvæði. Um er að ræða u.þ.b. 10 ha svæði. Tillaga var kynnt frá og með 2.2.2022 til og með 16.3.2022. Athugasemd og ábending barst frá íbúa við Hólavang þess efnis að ekki verði byggt of nærri lóðamörkum lóða við Hólavang og að ekki verði hróflað við "hólnum". Þá verði áformuð hæð mannvirkja og áformuð flóðlýsing hugsanleg skerðing á hagsmunum fasteignaeigenda.

Eigendur lóða nr. 4, 6, 8, 10, 13, 16, 20 og 24 í landi Þjóðólfshaga, óska eftir að landnotkun lóða sinna verði breytt úr frístundanotkun í íbúðarbyggð eða landbúnað að nýju, þar sem áform eru uppi um skráningu lögheimilis á lóðinni. Áður hefur lóðum nr. 19, 21, 23, 25, 27, 28, 29, 30, 31, 32, 33a og 34 verið breytt. Skipulagsnefnd frestaði afgreiðslu á síðasta fundi þar sem staðsetning umræddra lóða var ekki í samræmi við stefnu um afmörkun samliggjandi íbúða- og frístundalóða. Frá síðasta fundi hafa lóðarhafar nr. 1, 2, 3, 5, 7, 9, 12, 14, 15, 17, 18 og 22 bæst í hóp þeirra sem vilja breyta landnotkun lóða sinna úr frístundanotum í íbúðarnot.

Sveitarfélagið í samvinnu með lóðarhöfum frá Árbyrgi að Heiðarbrún með báðum meðtöldum hafa sameinast um gerð deiliskipulags fyrir íbúðasvæði austan Árbæjarvegar. Breyting á aðalskipulagi sveitarfélagsins var auglýst í B-deild stjórnartíðinda 22.12.2021. Skipulagið tekur til 16 lóða og í gildi eru þrjú deiliskipulög á svæðinu frá árunum 2011 til 2021 og verða þau felld úr gildi við gildistöku þessa skipulags. Greinargerð og uppdráttur frá Eflu dags. 29.3.2022.

Linda B. Gunnlaugsdóttir hefur fengið heimild til að leggja fram deiliskipulag af landi sínu, Hallstúni L209741. Lögð er fram tillaga þar sem gerð er grein fyrir byggingu á allt að 150 m² frístundahúsi, 250 m² skemmu / hesthúsi og allt að 20 m² snyrtingu. Aðkoma að skipulagssvæðinu er frá Landvegi nr. 26 og um Ölversholtsveg nr. 303.

Ásahreppur hefur hafið endurskoðun á aðalskipulagi sveitarfélagsins. Lögð er fram tillaga og óskað eftir umsögn um hana fram til 21. apríl nk.

Guðmundur Úlfar Gíslason, skipulagsfulltrúi Rangárþings eystra, óskar eftir umsögn sveitarfélagsins um meðfylgjandi tillögu að heildarendurskoðun á aðalskipulagi Rangárþings eystra 2020-2032.