Sorpstöð Rangárvallasýslu bs

Rekstraryfirlit frá janúar til desember 2020 lagt fram til kynningar.

Hulda Karlsdóttir og Ómar Sigurðsson fóru yfir nokkur atriði úr rekstri Sorpstöðvarinnar.

Lagt fram yfirlit yfir kostnað sveitarfélaganna við heimsenda gáma árið 2020, ásamt tegundagreiningu úrgangs. Ljóst er að íbúar greiða innan við 20% af raunkostnaði við heimsenda gáma. Í ljósi þess er rík ástæða til endurskoða hvaða úrgangsflokka má afsetja í heimsenda gáma.

Eftirlitsskýrsla vegna eftirlits á Strönd þann 18.11.2020 lögð fram til kynningar. Formaður stjórnar leggur til að óskað verði eftir rýmkaðri heimild til urðunar lífræns úrgangs án botnþéttinga þangað til að brennsluofn rís á Strönd. Samþykkt samhljóða. Formanni falið að vinna málið áfram.

Frummatsskýrsla vegna mats á umhverfisáhrifum vegna brennsluofns fyrir dýraleifar á Strönd er tilbúin og mun Skipulagsstofnun auglýsa hana í samræmi við 10. gr. laga nr. 106/2000 um mat á umhverfisáhrifum. Gert er ráð fyrir að kynningartíminn verði frá 4.febrúar til 19. mars.
Lagt fram minnisblað um stöðu mála vegna brennsluofns. Þessa dagana er unnið að áætlun um væntanlegt magn og tegund dýraleifa í fyrirhugaðan brennsluofn á Strönd. Ágúst Sigurðsson, Hulda Karlsdóttir og Ómar Sigurðsson vinna áfram að þeirri áætlun í samstarfi við Stefán Gíslason.

Stjórn fór yfir drög að Suðurlandskafla aðgerðaáætlunar í sameiginlega svæðisáætlun um meðhöndlun úrgangs á Vesturlandi, Suðvesturlandi og Suðurlandi. Ágústi og Huldu falið að senda inn athugasemdir í samræmi við umræður á fundinum.

Aðalfundargerð SOS 2020 lögð fram til kynningar.

Fundur SOS frá 30.10. 2020 lögð fram til kynningar.

Fundargerð SOS frá 24.11.2020 lögð fram til kynningar.

Skýrsla úr fyrsta fasa Bokashi-jarðgerðar tilraunar á Strönd, lögð fram til kynningar.