Stjórn Suðurlandsvegar 1-3 hf

Lagt fram yfirlit um rekstur félagsins janúar-október 2018.

Kynnt tillaga að rekstraráætlun fyrir Suðurlandsveg 1-3 hf fyrir árið 2019. Tillagan var borin undir atkvæði og samþykkt samhljóða.

Stjórn félagsins hefur ákveðið að hækka hlutafé félagins um kr. 10.076.802 með útgáfu nýrra hluta á grundvelli heimildar í 6. gr. samþykkta félagsins. Hið nýja hlutafé skal selt á genginu 1 og er því söluverð nýrra hluta kr. 10.076.802. Samkvæmt tillögu stjórnar skulu nýir hlutir greiddir með reiðufé. Á fundinum var upplýst að áskrift hefði fengist fyrir öllum nýjum hlutum. Skulu hinu nýju hlutir veita réttindi í félaginu frá og með samþykki stjórnarfundar á ofangreindri tillögu. Kostnaður félagsins vegna hlutafjárhækkunarinnar kemur til með að vera um kr. 100.000.

Í tengslum við framangreinda tillögu lágu frammi eftirfarandi skjöl á fundinum:
-
Skýrsla stjórnar og staðfesting endurskoðanda, skv. 33. gr. l. 2/1995
-
Drög að uppfærðum samþykktum

Hlutafé félagsins er eftir aukningu kr. 591.138.009. Á fundinum lágu drög samþykkta með breyttri fjárhæð hlutafjár í samræmi við ákvörðun stjórnar. Voru samþykktirnar staðfestar og undirritaðar.

Fundurinn ákvað að veita KPMG ehf. umboð til að tilkynna um ofangreinda breytingu til fyrirtækjaskrár og óska skráningar og leggja fram þau gögn sem til þarf.

HH fór yfir stöðu framkvæmda en reiknað er með að ljúka framkvæmdum ársins með því að klára austurgafl og hefur þá verið framkvæmt fyrir 28.5 m á árinu, þar af er hlutur Ríkiseigna um 10.7 m.

Nú eru laus 2 skrifstofurými í húsinu sem hafa verið auglýst. Mikilvægt er að fylgja því eftir til að koma þeim sem allra fyrst í leigu.