Stjórn Suðurlandsvegar 1-3 hf

Tillaga kom fram um Þröst Sigurðsson sem varaformann og var hún samþykkt samhljóða. Að svo búnu tók hann við fundarstjórn.

KV kynnti yfirlit um rekstur félagsins janúar-mars 2019.

KV kynnti ársreikning fyrir Suðurlandsveg 1-3 hf fyrir árið 2018. Rekstrarniðurstaða fyrir fjármunatekjur og fjármagnsgjöld var jákvæð en tap ársins var 19,5 m samkvæmt rekstrarreikningi. Skuldir lækka á milli ára og eigið fé í árslok nam 440,5 millj. kr. samkvæmt efnahagsreikningi. Ársreikningur 2018 var borinn undir atkvæði. Hann var samþykktur samhljóða og áritaður af stjórnarmönnum.

Lúðvík Bergvinsson sem er óháður kunnáttumaður á vegum samkeppniseftirlitsins með samruna N1 og Festi kom til fundar kl 12:00. Stjórnin hafði óskað eftir að hann sæti fundinn undir þessum lið til að svara spurningum fundarmanna varðandi feril samrunamálsins. Lúðvík vék af fundi kl. 12:40.

Tekið var fyrir erindi þar sem Festi hf fer fram á framlengingu og framsal á leigusamningi þar sem verslun Kjarvals er á Hellu núna. Samþykkt samhljóða að hafna erindinu og formanni og framkvæmdastjóra falið að rita svarbréf til Festi hf með afrit til fulltrúa samkeppniseftirlitsins.

HH og KV fóru yfir helstu framkvæmdaverkefni sem liggja fyrir og eru fyrirhuguð á næstu misserum. Jafnframt var ákveðið að fela framkvæmdastjóra að leita eftir endurfjármögnun á eldri lánum félagsins auk fjármagns til nýframkvæmda.

Samþykkt samhljóða.