Sveitarstjórn Rangárþings ytra

Lögð fram og kynnt tillaga byggðarráðs að fjárhagsáætlun Rangárþings ytra fyrir árin 2023-2026. Fjárhagsáætlun verður tekin til síðari umræðu á fundi sveitarstjórnar þann 14. desember n.k.

Málið var tekið fyrir á fundir skipulaglags- og umferðarnefndar þann 3. nóv.2022 og var eftirfarandi bókað: Eigendur Stóru-Valla L165011 óska eftir að fá að skipta út tveimur lóðum úr jörð sinni. Annars vegar 12 ha spildu sem fengi heitið Stóru-Vellir 2 og landnúmerið Lxxxxxx og hins vegar 11 ha spilda sem fengi heitið Stóru-Vellir 3 og landnúmerið Lxxxxxx. Jafnframt er óskað eftir að stofnuð verði 3,8 ha lóð sem fengi heitið Sléttuvellir og sú lóð sameinist lóðinni Stóru-Vellir lóð, L200571 og héldi heitinu. Uppdráttur landskipta frá Landnotum dags. 1.11.2022.
Skipulagsnefnd gerir ekki athugasemdir við áformuð landskipti né fyrirhuguð heiti á lóðum.
Á fundi sveitarstjórnar 9. nóvember s.l. var afgreiðslu málsins frestað en tvær athugasemdir hafa borist.

Almennt njóta landeigendur heimildar til að skipta upp landi sínu að því gefnu að slík landskipti fari ekki gegn skipulagi eða önnur veigamikil rök mæli því í gegn. Fyrir liggur að samkvæmt 48. gr. skipulagslaga nr. 123/2010 þarf ávallt heimild sveitarstjórnar til að skipta jörðum eða landi.

Sveitarstjórn hefur yfirfarið framkomnar athugasemdir. Sveitarstjórn gerir ekki athugsemdir við niðurstöðu skipulags- og umferðarnefndar og samþykkir fyrir sitt leyti áformuð landskipti og heiti á lóðum. Sveitarstjórn áréttar að í samþykki á landskiptunum fellst ekki afstaða til einkaréttarlegs ágreinings um tilvist og inntak umferðarréttar á svæðinu. Loks skal áréttað að við afgreiðslu málsins getur sveitarfélagið einungis horft til þinglýstra heimilda um eignarhald landsins.

Samþykkt samhljóða.

Fært í trúnaðarmálabók.