Tónlistarskóli Rangæinga bs

Farið var yfir rekstur skólans janúar-september. Ljóst er að vegna nýrra kjarasamninga tónlistarkennara verður launakostnaður meiri en áætlað var sem nemur u.þ.b. 6 m. Tillaga er um að þessum kostnaðarauka verður mætt með lækkun á handbæru fé Tónlistarskólans. Samþykkt samhljóða.

Lögð fram tillaga að gjaldskrá fyrir skólaárið 2017-2018 og fjárhagsáætlun fyrir árið 2018. Lagt er til að gjaldskrá verði óbreytt frá fyrra ári. Launaliðir hækka um 9% frá fyrra ári vegna nýrra kjarasamninga og hækkun launavísitölu. Heildartekjur eru áætlaðar 99.8 m og heildargjöld 102.7 m. Gert er ráð fyrir að framlag sveitarfélaganna hækki um 9% frá fyrra ári en gengið verður á handbært fé Tónlistarskólans sem nemur 2.8 m.

Gjaldskrá og fjárhagsáætlun samþykkt samhljóða.

Skólastjóri sagði frá blómlegu starfi skólans en nemendum hefur fjölgað úr 169 í 198 og er það 17% fjölgun milli ára. Viðburðir á afmælisári tókust vel. Samstarsverkefni Tónlistarskólans og Leikskólans á Laugalandi fer vel af stað. Þá er í gangi samstarf milli Harmonikkufélags Rangæinga og Tónlistarskólans sem þegar hefur skilað sér í mikilli fjölgun nemenda í harmonikkunámi. Fullorðnum nemendum skólans hefur fjölgað. Alls eru 18 kennarar við störf, í hlutastörfum 12 og 5 stundakennarar. Stöðugildin er 10,85 með skólastjóra og ritara. Aðstaða skólans hefur batnað á Hellu og Hvolsvelli en þrengst hefur um starfsemina á Laugalandi.