Vatnsveita Rangárþings ytra og Ásahrepps

Fyrstu niðurstöður ferilefnaprófana liggja fyrir, sýni sem tekin voru 9-19 febrúar hafa verið greind og engin ferilefni komin fram ennþá. Prófunarverkefnið gengur skv. áætlun. Veitustjóri mun senda niðurstöður til stjórnar jafnóðum og þær berast.

Ljóst er að vatnasvæðið við Kerauga og Tvíbytnulæk er afar mikilvægt og rannsókna er þörf m.a. vegna skipulagsmála. Líkur eru til að hægt verði að fjármagna rannsóknirnar að hluta með framlagi af endurskoðunarlið aðalskipulags Rangárþings ytra. Jafnframt er ljóst að samlegð er með þeim rannsóknum sem Landsvirkjun stendur að vegna undirbúnings virkjana við Þjórsá.

Tillaga er um að ganga til samninga við Jónas Ketilsson vísindamann og hans teymi við háskólann í Gautaborg skv. þeirri verkefnaáætlun sem liggur fyrir. Kostnaðaráætlun rannsóknar á grunnvatnsstraumi ofan Tjörfastaðalækjar í Þjórsárhrauni hljóðar upp á 2 m.



Samþykkt samhljóða.

Fyrir liggur kostnaðaráætlun um framkvæmdir vegna vatnstöku úr lindum í Helluvaði II að upphæð 6.7 m. Einnig liggja fyrir drög að samkomulagi við landeigendur um framkvæmdina. Veitustjóra falið að vinna málið áfram og senda erindi til skipulags- og umferðarnefndar. Kostnaður rúmast innan fjárhagsáætlunar.



Samþykkt samhljóða.

Áætlun vatnsveitunnar fyrir árið 2016 gerir ráð fyrir framkvæmdum að upphæð 30 m. samtals. Fyrir liggur að Rarik mun fara með háspennustreng frá Lækjarbotnum að Þúfu í Landssveit næsta sumar. Mikilvægt að vatnsveitan verði með í útboði um þá framkvæmd. Veitustjóra falið að fylgja því eftir.