Vatnsveita Rangárþings ytra og Ásahrepps

Farið var yfir rekstur vatnsveitunnar það sem af er árinu fram til loka september. Rekstrarkostnaður stefnir í að verða meiri en áætlað var fyrir en töluvert var um bilanir í sumar. BJM og ÁS falið að undirbúa gerð viðauka við rekstraráætlun sem lögð verði fyrir á næsta fundi. Jafnframt er BJM og ÁS falið að leggja fram á næsta fundi stjórnar minnisblað um þróun í rekstri, þ.m.t. mælavæðingu og gjaldtöku, hjá vatnsveitum annarra sveitarfélaga.

BJM kynnti tillögur að kostnaðar- og verkáætlun vegna mögulegra nýlagna með ljósleiðaraverkefni og samtengingar einstakra veitna til að auka flutningsöryggi. Útfæra þarf nýlagnaáætlun áfram gagnvart framkvæmdatíma og leggja fyrir stjórn vatnsveitunnar að nýju.



Tillaga er um að setja í forgang að tengja saman Bjálmholts- og Selalækjarveitur en kostnaðaráætlun fyrir þá aðgerð er um 10 m. með vsk. Gera þarf ráð fyrir verkefninu í viðauka við fjárhagsáætlun 2016.



Samþykkt samhljóða.

Fyrstu drög fjárhagsáætlunar lögð fram til umræðu. Vinna þarf betur í framkvæmdaáætlun og fjárþörf til hennar.

Tekið var fyrir erindi frá Rangárþingi eystra varðandi útfærslu á vatnsveitu á Bakkabæjum. Tillaga um að leggja til að samið verði með þeim hætti að Bakkabæir tilheyri vatnsveitu í Rangárþingi eystra og greiði þá sín vatnsgjöld þangað líkt og aðrir notendur vatnsveitunnar.



Samþykkt samhljóða.