Vatnsveita Rangárþings ytra og Ásahrepps

Kynntur var endurskoðaður ársreikningur Vatnsveitu Rangárþings ytra og Ásahrepps bs. fyrir árið 2020. Rekstrarniðurstaða veitunnar var jákvæð um 18,4 mkr. Fjárfesting ársins var 109,4 mkr.

Ársreikningur 2020 var borinn undir atkvæði og samþykktur samhljóða.

KV kynnti rekstraryfirlit fyrir Vatnsveituna mánuðina janúar til mars 2021.

GK fór yfir daglegan rekstur veitunnar. Frostakaflar í vetur hafa verið nokkuð erfiðir og hefur þurft að grípa til bráðabirgðalagna á nokkrum stöðum þar sem frost hefur hlaupið djúpt niður. Sérstaklega hefur borið á þessu í sandjarðvegi.

Unnið áfram í endurskoðun á framkvæmdaáætlun fyrir næstu ár. Búið er að fara yfir forgangsröðun hvað varðar endurnýjun lagna og kostnaðarmeta hvern áfanga. Ákveðið að vinna eftir fyrirliggjandi áætlun út árið 2022 og leggja áherslu á að treysta vatnsafhendingu til Þykkvabæjar. Eftir þann áfanga verður staðan tekin á ný. Skoðunarferð í Fögrubrekku var frestað fram í maí en stefnt er að verklokum þar fyrir lok júlímánuðar.

Málið er í undirbúningi og verður gefin stöðuskýrsla á næsta fundi.

Fyrir liggur tölvuskeyti frá framkvæmdastjóra Reykjagarðs með fyrirspurn um innheimtu notkunargjalds og jafnræði meðal fyrirtækja hvað þessa gjaldtöku varðar. Ákveðið að taka saman yfirlit um innheimtu notkunargjalds hjá veitunni og kanna jafnframt útfærslu hjá sambærilegum veitum hvað þennan þátt varðar og leggja fram á næsta fundi stjórnar.