Einnig sat fundinn Daníel Gunnarsson verkefnastjóri.
1.Endurskoðun samninga Rangárþings ytra og Ásahrepps
1412028
Yfirlit verkefnisstjóra um stöðu áfanga II
DG fór yfir stöðu mála í verkefninu. Hann hefur fyrst og fremst unnið í fræðslumálum, málefnum Lundar og Holtamannaafréttar. Fundir hafa verið haldnir með fræðslunefnd Rangárþings ytra og Ásahrepps, lögfræðingum Sambands Íslenskra Sveitarfélaga, stjórnendum skólanna og sveitarstjórnarfólki. Alls hefur verkefnastjóri skráð liðlega 60 tíma á verkefnið fram til þessa.
2.Eitt byggðasamlag um fræðslumál - greiningarvinna
1506038
Greining á kostum, tækifærum og hindrunum varðandi að stofna eitt deildaskipt byggðasamlag um fræðslu- íþrótta- og menningarstarf sveitarfélaganna
DG kynnti niðurstöður frá greiningarfundi fræðslunefndar. Ákveðið að óska eftir áframhaldandi umboði, út september n.k., til að vinna að verkefninu frá sveitarstjórnum Rangárþings ytra og Ásahrepps. Verkefnisstjóri muni þá vinna með sveitarstjórunum að því að móta tillögur að samþykktum fyrir mögulegt eitt deildaskipt byggðasamlag um fræðslumál og jafnframt að vinna áfram tillögur að sameiginlegri skólastefnu fyrir sveitarfélögin.
Fundargerð yfirlesin og samþykkt
Fundi slitið - kl. 09:00.