Oddi bs

Skólastjórar kynntu ársskýrslu hvers skóla fyrir sig og fóru yfir þau atriði sem skólastefnan kveður á um að skuli farið yfir á vorfundi Odda bs. Jafnframt voru lögð fram gögn til kynningar og umræðu. Tillaga um að vorfundur Odda bs staðfesti að skýrslur skólastjóranna hafi verið fullnægjandi og taki á þeim atriðum sem skólastefnan kveður á um. Vorfundur Odda bs vill færa skólastjórnendum og starfsfólki innilegar þakkir fyrir góð störf m.a. á þeim erfiðu Covid19 tímum sem gengið hafa yfir á síðustu mánuðum.

Samþykkt samhljóða.

Lögð fram til staðfestingar skóladagatöl allra skólanna. Gert er ráð fyrir að allir skólarnir taki þátt í svokölluðum Menntadegi á vegum Skólaþjónustu Rangárvalla- og V-Skaftafellssýslna þann 12 ágúst n.k. en svokallaður Oddadagur verði í staðinn með breyttu sniði. Gerð hefur verið tilraun til að samræma starfsdaga eins og mögulegt er. Tillaga um að vorfundur Odda bs staðfesti skóladagatölin fyrir skólaárið 2020-2021 og var það samþykkt samhljóða.

Kristín Sigfúsdóttir kynnti drög að þarfagreiningu sem grunnskólar Odda bs hafa unnið í sameiningu. Þarfagreiningin fjallar jöfnum höndum um hug- og vélbúnað sem festa þarf kaup á til að treysta grunn fyrir eflingu náms í upplýsingatækni og forritun. Jafnframt er fjallað um aukið vinnuframlag til þessara þátta. Vorfundur Odda bs leggur til að þarfagreiningunni verði vísað til fjárhagsáætlunargerðar næsta árs fyrir Odda bs með það að markmiði að byggja enn frekar undir þennan þátt skólastarfsins. Jafnframt verði upplýsingatækni og forritun bætt við sem sérstökum áhersluþætti í skólastefnu Odda bs.

Samþykkt samhljóða.